邊間

各位，我唔係講笑。我自從小學畢業，升上中學，升上大學，出嚟做嘢，從來都冇人會問我：「喂，你邊間小學㗎？」係，到依家我經常要接觸啲醫學生，或者初級嘅醫生，我間唔中真係會問：「嘩！你邊間學校㗎？」甚至「嘩！你邊間醫學院㗎？」

我諗，大家都可以想像，我其實唔係想知佢邊間學校畢業，而係佢嘅表現已經好有問題。我哋唔會因為一個人喺間好出名嘅學校畢業，就會覺得佢好叻，亦都唔會因為佢喺一間冇咁叻嘅學校畢業，就會睇佢唔起。一個人嘅名聲、成就，係因為佢嘅能力同埋付出，同佢邊間學校畢業冇乜大關係。

相反，一間學校嘅名聲，就係完全視乎佢嘅學生嘅成就同埋作為。所以，我希望大家喺將來能夠注意，唔好做啲嘢令到自己俾人問：「喂，細路，你邊間小學㗎？」咁樣，就已經係一個小小嘅成就。