辯辭

各位議員，各位巿民:

今日我希望喺呢度同大家開誠公佈，一次過交代我件事。

首先，我嚴正聲明，經過多次嘅轉售，啲地依家係我太太嘅家人持有。注意，嗰啲人唔係我嘅家人，我太太自己亦冇任何權益。一直以來，我太太參與土地買賣，目的都晤係賺錢，佢其實亦從來冇一分一毫落過袋。

至於啲地，我重覆一次，係買嚟作我屋企嘅休憩用途。我同意啲地買嘅時候好平，為咗釋除公衆嘅疑慮，我打算盡快搵完全唔關事嘅第三者買咗佢。我亦承諾以後唔會投資土地買賣，同埋其他同我公職有衝突嘅生意。

最後，我想同大家講，我唔會辭職。一直以來，我擔任公職嘅目的都係服務香港人。我其實好謙卑，對各位傳媒朋友嘅質問，我都會想起約伯書裡面嘅教導嚟回應。大家可能覺得我喺度唧牙膏式咁講嘢，係玩緊語言偽術。我同意我嘅措辭係比較華麗，呢個係因為我真心覺得講嘢係一種art。

**********************
Szeto's note: Since the speech is almost entirely in Cantinese, we have reasons to believe the last word is only misheard as English.

It got to be 呃。